2021-22 സാമ്പത്തിക വര്ഷം നാലാം പാദത്തില് 89.58 കോടി രൂപ സംയോജിത അറ്റാദായം നേടി വിഗാര്ഡ് ഇന്ഡസ്ട്രീസ് ലിമിറ്റഡ്. മുന് വര്ഷം ഇതേകാലയളവില് 68.39 കോടി രൂപയായിരുന്നതിൽ 31 ശതമാനമാണ് വര്ധന.
നാലാം പാദത്തില് കമ്പനിയുടെ സംയോജിത പ്രവര്ത്തന വരുമാനം 10,58.21 കോടി രൂപയാണ്. മുന് വര്ഷത്തെ 855.20 കോടി രൂപയില് നിന്നും 23.7 ശതമാനം വളര്ച്ച നേടി. കണ്സ്യൂമര് ഉപകരണങ്ങളുടേയും ഇലക്ട്രിക്കല് ഉപകരണങ്ങളുടേയും വില്പ്പനയില് കരുത്തുറ്റ വളര്ച്ചയാണ് കൈവരിച്ചത്.
കോവിഡ് മൂലം വിതരണ ശൃംഖലയില് നേരിട്ട വെല്ലുവിളികളെ മറിക്കടക്കാന് കഴിഞ്ഞതായി വിഗാര്ഡ് ഇന്ഡസ്ട്രീസ് ലിമിറ്റഡ് മാനേജിങ് ഡയറക്ടര് മിഥുന് കെ ചിറ്റിലപ്പിള്ളി പറഞ്ഞു
