ഫിഫ വേള്‍ഡ് കപ്പിന് മുന്നോടിയായി എക്സ്ക്ലൂസീവ് ഡാറ്റ പാക്കുകളുമായി ജിയോ. ഖത്തര്‍, സൗദി അറേബ്യ, യു എ ഇ എന്നിവിടങ്ങളിലെ ഉപയോക്താക്കള്‍ക്കായി അഞ്ച് പുതിയ അന്താരാഷ്ട്ര റോമിംഗ് പായ്ക്കുകളാണ് കമ്പനി അവതരിപ്പിച്ചിരിക്കുന്നത്.
മുന്‍കൂട്ടി നിശ്ചയിച്ച പരിധിക്കപ്പുറം, ഇന്‍കമിംഗ് കോളുകള്‍ക്ക് വരിക്കാരില്‍ നിന്ന് ഒരു രൂപ വീതം ഈടാക്കും. ജിയോയുടെ ഔദ്യോഗിക വെബ്സൈറ്റ് വഴിയോ മൈ ജിയോ ആപ്പ് വഴിയോ ജിയോ പാക്കുകള്‍ സ്വന്തമാക്കാം.
ലോക്കല്‍ കോളുകൾ ഇന്ത്യയിലേക്കുള്ള ഔട്ട്‌ഗോയിംഗ് കോളുകൾ നെറ്റ്‌വര്‍ക്ക്, വൈഫൈ വഴിയുള്ള ഇന്‍കമിംഗ് കോളുകൾ എന്നിവ അടങ്ങുന്ന 1,599 രൂപയുടെ പായ്ക്കില്‍ 150 മിനിറ്റ് ടോക്ക് ടൈം ഉള്‍പ്പെടുന്നു. 15 ദിവസമാണ് വാലിഡിറ്റി. പായ്ക്കിനൊപ്പം ഉപയോക്താക്കള്‍ക്ക് ഒരു ജിബി ഡാറ്റയും 100 എസ്‌എംഎസും ലഭിക്കും.
3,999 രൂപയുടെ പാക്കിൽ 250 മിനിറ്റ് ടോക്ക് ടൈമും നെറ്റ്‌വര്‍ക്കിലും വൈഫൈയിലും ഇന്‍കമിംഗ് കോളുകള്‍ക്കുമായി മറ്റൊരു 250 മിനിറ്റും നല്‍കുന്നു. വരിക്കാര്‍ക്ക് മൂന്ന് ജിബി ഡാറ്റയും 100 എസ്‌എംഎസും പായ്ക്കിനൊപ്പം ലഭിക്കും. 30 ദിവസത്തേക്കാണ് വാലിഡിറ്റി.

6,799 രൂപയുടെ പാക്കില്‍ ലോക്കല്‍ കോളുകളും ഇന്ത്യയിലേക്കുള്ള ഔട്ട്‌ഗോയിംഗ് കോളുകളും ഉള്‍പ്പെടുന്നു. കൂടാതെ 500 മിനിറ്റ് ടോക്ക് ടൈമും നെറ്റ്‌വര്‍ക്ക്, വൈഫൈ വഴിയുള്ള ഇന്‍കമിംഗ് കോളുകള്‍ക്കായി 500 മിനിറ്റ് അധികവും ലഭിക്കും. ഈ പാക്ക് സബ്‌സ്‌ക്രൈബ് ചെയ്യുന്ന ഉപയോക്താക്കള്‍ക്ക് അഞ്ച് ജിബി ഡാറ്റയിലേക്കും 100 എസ്‌എംഎസുകളിലേക്കും ആക്‌സസ് ലഭിക്കും. 30 ദിവസമാണ് കാലാവധി.

1,122 രൂപയുടെ ഡാറ്റാ പാക്കിന് ഒരു ജിബി ഹൈ സ്പീഡ് ഡാറ്റ ആക്‌സസ് ചെയ്യാന്‍ കഴിയും, അതിനുശേഷം സ്റ്റാന്‍ഡേര്‍ഡ് പേഗോ നിരക്കുകള്‍ ഈടാക്കും. പായ്ക്കിന് അഞ്ചു ദിവസത്തേക്കാണ് വാലിഡിറ്റി.
5,122 രൂപയുടെ ഡാറ്റ മാത്രമുള്ള പായ്ക്ക്
21 ദിവസത്തേക്ക് 5ജിബിഡാറ്റയിലേക്ക് ആക്‌സസ് ലഭിക്കും, അതിന് ശേഷം സ്റ്റാന്‍ഡേര്‍ഡ് പേഗോ നിരക്കുകള്‍ ഈടാക്കും.