കേരള വ്യാപാരി വ്യവസായി ഏകോപന സമിതി യൂത്ത് വിംഗ് ഇടുക്കി ജില്ലാ സമ്മേളനം കട്ടപ്പനയിൽ. നവംബർ 16-ാം തീയതി (വ്യാഴാഴ്ച) നടക്കുന്ന യുവ 2k23 സമ്മേളനം കേരള വ്യാപാരി വ്യവസായി ഏകോപന സമിതി(കെവിവിഇഎസ്) സംസ്ഥാന പ്രസിഡന്റ് രാജു അപ്സര ഉദ്ഘാടനം ചെയ്യും.
വ്യാപാരം, സംഘടനാ പ്രവർത്തനം, വിനോദം എന്നീ മൂന്നു മുദ്രാവാക്യങ്ങൾ ഉയർത്തിപ്പിടിച്ച് അതിന്റെ സന്ദേശം യുവ വ്യാപാരികളിലേക്ക് എത്തിക്കുകയാണ് സംഘടനയുടെ ലക്ഷ്യം. കെവിവിഇഎസ് ജില്ലാ പ്രസിഡന്റ് സണ്ണി പൈമ്പിള്ളിൽ, കെവിവിഇഎസ് യൂത്ത് വിംഗ് സംസ്ഥാന പ്രസിഡന്റ് സലീം രാമനാട്ടുകര, കെവിവിഇഎസ് യൂത്ത് വിംഗ് ജില്ലാ പ്രസിഡന്റ് സലീം പി എസ് എന്നിവർ സമ്മേളനത്തിൽ പങ്കെടുക്കും. സമ്മേളനത്തോടനുബന്ധിച്ച് യുവജന റാലി, ബ്ലൂ വോളണ്ടിയർ മാർച്ച്, പൊതുസമ്മേളനം, കലാപരിപാടികൾ എന്നിവയും നടത്തപ്പെടും.
