സ്വർണവില സർവകാല റെക്കോർഡിൽ. ഒരു പവൻ സ്വർണത്തിന് 600 രൂപ ഉയർന്ന സ്വർണവില ഇന്ന് വീണ്ടും റെക്കോർഡിട്ടു. ഒരു പവൻ സ്വർണത്തിന് 46,760 രൂപയാണ് ഇന്നത്തെ വിപണി വില. അമേരിക്കൻ ഫെഡറൽ റിസർവ് പലിശ നിരക്ക് ഉടനെ ഉയർത്തില്ലന്നും, കുറയ്ക്കാനാണ് സാധ്യതകളെന്നുമുള്ള സൂചന ലഭിച്ചതാണ് സ്വർണവില കുത്തനെ ഉയരാനുള്ള കാരണം. ചൈനയിൽ പുതിയ വൈറസ് പടരുന്നുവെന്ന വാർത്തയും സ്വർണ്ണവിലയിലെ കുതിപ്പിന് കാരണമായി.
5830 രൂപയാണ് ഒരു ഗ്രാം 22 കാരറ്റ് സ്വർണത്തിന്റെ വില. ഒരു ഗ്രാം 18 കാരറ്റ് സ്വർണത്തിന്റെ വില 4785 രൂപയുമാണ്. അതേസമയം വെള്ളിയുടെ വിലയിൽ മാറ്റമില്ല. ഒരു ഗ്രാം സാധാരണ വെള്ളിയുടെ വില 82 രൂപയാണ്. ഒരു ഗ്രാം ഹാൾമാർക്ക് വെള്ളിയുടെ വിപണി വില 103 രൂപയാണ്.
