കേരളത്തില്‍ സ്വര്‍ണവില ഇന്ന് വീണ്ടും ഉയര്‍ന്നു. ഒരു പവന്‍ 22 കാരറ്റ് സ്വര്‍ണത്തിന് 120 രൂപയുടെ വര്‍ധനവാണ് ഇന്നുണ്ടായത്. ഇതോടെ ഒരു പവന്‍ സ്വര്‍ണത്തിന്റെ വില 42,320 രൂപയായി.
ഇന്ന് ഗ്രാമിന് 15 രൂപയുടെ വര്‍ധനവാണുണ്ടായത്. ഒരു ഗ്രാം സ്വര്‍ണത്തിന്റെ വില ഇന്ന് 5290 രൂപയാണ്.
ഒരു ഗ്രാം 18 കാരറ്റ് സ്വര്‍ണത്തിന്റെ വിലയിലും ഇന്ന് മാറ്റമുണ്ടായി. 18 കാരറ്റ് സ്വര്‍ണത്തിന് 10 രൂപ ഉയര്‍ന്ന് ഗ്രാമിന് 4365 രൂപയായി. അതേസമയം, സംസ്ഥാനത്ത് വെള്ളിയുടെ വിലയില്‍ മാറ്റമില്ല.
കഴിഞ്ഞ ആഴ്ച തുടക്കത്തില്‍ സ്വര്‍ണവിലയില്‍ 960 രൂപയുടെ ഇടിവുണ്ടായെങ്കിലും ഈ ആഴ്ചയുടെ ആദ്യ ദിവസങ്ങളില്‍ സ്വര്‍ണവില ഉയര്‍ന്നു. കഴിഞ്ഞ നാല് ദിവസങ്ങളിലായി നാന്നൂറു രൂപയുടെ വര്‍ധനവാണ് ഒരു പവന്‍ സ്വര്‍ണത്തിനുണ്ടായത്.
