വ്യവസായ വാണിജ്യവകുപ്പ് ഡയറക്ട്രേറ്റ് സംഘടിപ്പിക്കുന്ന ഒ.എൻ.ഡി.സി ശിൽപശാല ബഹു. ചീഫ് സെക്രട്ടറി ഡോ. വി പി ജോയ് ഐ.എ.എസ് ഉദ്ഘാടനം ചെയ്തു. ഓപ്പൺ സോഴ്സ് അടിസ്ഥാനപ്പെടുത്തിക്കൊണ്ട് ഉൽപ്പന്നങ്ങൾ വിൽക്കാനും വാങ്ങാനും സഹായിക്കുന്ന ഒഎൻഡിസിയിൽ
രജിസ്റ്റർ ചെയ്യുന്ന സംരംഭങ്ങൾക്ക് തങ്ങളുടെ ഉൽപ്പന്നങ്ങൾ വിവിധ ഇ കൊമേഴ്സ് പ്ലാറ്റ്ഫോമുകളിലൂടെ ലഭ്യമാക്കാൻ സാധിക്കും. ഇതിനുള്ള സാങ്കേതിക സഹായം ഒ.എൻ.ഡി.സി ലഭ്യമാക്കും. ചെറുകിട സംരംഭങ്ങൾക്കും വ്യാപാരികൾക്കുമുൾപ്പെടെ ഇന്നത്തെ ഇ കൊമേഴ്സ് പ്ലാറ്റ്ഫോമുകളിലൂടെ തങ്ങളുടെ ഉൽപ്പന്നങ്ങൾ വിൽക്കാൻ സാധിക്കുമെന്നത് ഈ സംവിധാനത്തിൻ്റെ മേന്മയാണ്. നിലവിൽ സംസ്ഥാനത്തെ ഇ കൊമേഴ്സ് ഓപ്പറേറ്റേഴ്സും ഡിജിറ്റൽ പ്ലാറ്റ്ഫോമുകളുമാണ് ഒ.എൻ.ഡി.സിയിൽ ഉൾപ്പെട്ടിരിക്കുന്നത്.
