വെറും പത്ത് ദിവസം കൊണ്ട് ആഗോള ബോക്‌സോഫീസില്‍ നിന്ന് 31.43 കോടി രൂപ കളക്ഷന്‍ നേടി ജോഷി-സുരേഷ് ഗോപി ടീമിന്റെ പാപ്പന്‍. ചിത്രത്തിന്റെ എഫ്ബി പേജിലൂടെയാണ് കളക്ഷന്‍ കണക്കുകള്‍ അണിയറക്കാര്‍ പുറത്ത് വിട്ടത്.
റിലീസ് ദിനത്തില്‍ കേരളത്തില്‍ നിന്ന് ചിത്രം നേടിയത് 3.16 കോടി ആയിരുന്നു. രണ്ടാംദിനമായ 3.87 കോടിയും മൂന്നാം ദിനം 4.53 കോടിയും പാപ്പന്‍ നേടി. കഴിഞ്ഞ തിങ്കളാഴ്ച 1.72 കോടിയും ചിത്രം നേടിയിരുന്നു. കേരളത്തില്‍ നിന്ന് ചിത്രം ഒരാഴ്ച നേടിയ കളക്ഷന്‍ 17.85 കോടിയാണ്.
ആദ്യ ആഴ്ച പിന്നിട്ടപ്പോള്‍ തന്നെ മെഗാഹിറ്റിലേക്ക് നീങ്ങുമെന്ന സൂചന നല്‍കിയിരുന്നു. ചിത്രത്തിന്റെ കളക്ഷന്‍ റിപ്പോര്‍ട്ട് മലയാള സിനിമാ ഇന്‍ഡസ്ട്രിക്ക് വലിയ ആവേശം നല്‍കുന്നതാണെന്ന് അണിയറപ്രവര്‍ത്തകര്‍ പറയുന്നു.
ലേലം, പത്രം, വാഴുന്നോര്‍, സലാം കശ്മീര്‍ തുടങ്ങിയ ഹിറ്റ് ചിത്രങ്ങള്‍ ഒരുക്കി വര്‍ഷങ്ങള്‍ക്കു ശേഷമാണ് ജോഷിയും സുരേഷ് ഗോപിയും ഒരുമിക്കുന്നത്. ഗോകുല്‍ സുരേഷ്, അജ്മല്‍ അമീര്‍, ആശ ശരത്, ടിനി ടോം, രാഹുല്‍ മാധവ്, ചന്തുനാഥ്, സാധിക, സജിത മഠത്തില്‍, നന്ദു, കനിഹ, നൈല ഉഷ എന്നിവരാണ് മറ്റു അഭിനേതാക്കള്‍.